Счетчики

Ай-ли замана

Татар халык җыры
Кимә калфак, бәйлә чәчәк,
Чәчәк бәйли торган чак.
Уйнасак, көлсәк — шушы чак,
Үтә безнең рәхәт чак.

Ай-ли замана,
Замана үтеп бара.

Күгәрченнәр ояда,
Оялары пыяла.
Шул күгәрченнәрдәй гөрләшеп
Яшик, дуслар, дөньяда.

Ай-ли замана,
Замана үтеп бара.

Әй яшь чагым, яшь чагым,
Яшь чагым, җүләр чагым.
Шул яшь чагым, чәчәк чагым,
Әйләнеп кайтса тагын!

Ай-ли замана,
Замана үтеп бара.

Источник: http://erlar.ru | Опубликовано: 15.02.10 | Просмотров: 1993 | [ + ]   [ - ]   |


Социальные закладки
© 2017 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!