Счетчики

Бәгырем диярмен

Татар халык җыры
Тал бөреле, тал бөреле,
Тал бөреле була ул.
Җан яраткан, күңел тарткан
Яр бер генә була ул.

Бәгырем, диярмен,
Сүрелмәс булсаң гына;
Өзелеп сөярмен,
Үземә булсаң гына.

Иркәм, кара күзләреңне
Тагын бер күрсәм иде.
Син дә, бәгърем, минем кебек
Өзелеп сөйсәң иде.

Бәгырем, диярмен,
Сүрелмәс булсаң гына;
Өзелеп сөярмен,
Үземә булсаң гына.

Матур итеп карап тора
Синең кара күзләрең.
Йөрәгемә ут салдылар
Сөям дигән сүзләрең.

Бәгырем, диярмен,
Сүрелмәс булсаң гына;
Өзелеп сөярмен,
Үземә булсаң гына.

Источник: http://erlar.ru | Опубликовано: 25.02.10 | Просмотров: 1588 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!