Счетчики

Берсе алма, берсе хөрмә

Татар халык көе
Әхмәт Ерикәй сүзләре

Матур кызлар суга бара,
Челтери чиләкләре;
Берсе сирень, берсе нәркиз.
Берсе гөлнең зәңгәре.

Матур кызларны күргәндә
Ярсып тибә йөрәгем;
Берсе алма, берсе хөрмә,
Берсе кура җиләге.

Өчесе дә бигрәк матур,
Өчесе дә бигрәк шәп;
Берсе җәүһәр, берсе гәүһәр,
Берсе алтын зөбәрҗәт.

Күз алмыйча карап торам
Кызлар барган юлларга;
Берсе уңган, берсе елдам,
Берсе алдынгылардан.

Өчесе дә бер дигәннәр,
Ефәк күлмәк кигәннәр;
Кайсын сайларга да белмим...
Өчесе дә чибәрләр!

Источник: http://erlar.ru | Опубликовано: 24.02.10 | Просмотров: 1647 | [ + ]   [ - ]   |


Социальные закладки
© 2017 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!