Счетчики

Бүген исеңә төшмәсә...

Керәшен татарлары җыры
Алмалары, чияләре
Кызарып пешәр әле.
Бүген исеңә төшмәсә,
Иртәгә төшәр әле.

Чын-чын әйтәмен,
Чын әйтәмен, аппагым.
Күз алдымнан бер дә китми
Кыңгыр салган калфагың.

Алма пешә, җиргә төшә,
Үз вакытында өзмәсәң.
Алым минем, гөлем минем,
Димәс идем, сөймәсәм.

Чын-чын әйтәмен,
Чын әйтәмен, аппагым.
Күз алдымнан бер дә китми
Кыңгыр салган калфагың.

Ал чакларын, гөл чакларын
Сизмәссең, үтәр әле.
Бүген исеңә төшмәсә,
Иртәгә төшәр әле.

Чын-чын әйтәмен,
Чын әйтәмен, аппагым.
Күз алдымнан бер дә китми
Кыңгыр салган калфагың.

Источник: http://erlar.ru | Опубликовано: 25.02.10 | Просмотров: 1936 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!