Счетчики

Иске кара урман

Татар халык җыры
Кара да гынай урман, караңгы төн,
Яхшы атлар кирәк лә үтәргә;

Карурманны чыккан чакта
Кисеп алдым пар усак,
Ай, аерылмас дус булсак.

Заманалар авыр, еллар ябык,
Дус-иш кирәк гомер итәргә;

Карурманны чыккан чакта
Кисеп алдым пар каен,
Ай, аерылмаек, дускаем.

Кара да гына елан, ай, туз башлы,
Йөридер лә камыш буенча;

Карурманга кергән чакта
Кисеп алдым пар усак,
Ай, аерылмас дус булсак.

Ялгыз башым, юк юлдашым,
Йөримен лә язмыш буенча;

Карурманга кергән чакта
Кисеп алдым пар каен,
Ай, аерылмаек, дускаем.

Кара да гына урман, караңгы төн,
Нинди юллар белән лә үтәрбез;

Карурманны чыккан чакта
Кисеп алдым пар усак,
Ай, аерылмас дус булсак.

Дус-иш белән бергә эш иткәндә,
Теләкләргә тизрәк лә җитәрбез;

Карурманны чыккан чакта
Кисеп алдым пар каен,
Ай, аерылмаек, дускаем.

Ильхам Шакиров - Иске кара урман
Источник: http://erlar.ru | Опубликовано: 27.02.10 | Просмотров: 3073 | [ + ]   [ - ]   |


© 2018 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!