Счетчики

Яшиселәр бар әле

Татар халык көе
Мидхәт Миншин сүзләре

Казансуда казлар йөзә,
Тезелгән бәбкәләре.
Миңа чыгарган җырыңны
Күңелдә йөртәм әле.

Габделбарый, кара әле —
Яшиселәр бар әле,
Йөрәгемне әсир итеп
Бер елмаеп ал әле.

Казансуның өсләренә
Карыйм да уйга калам.
Чын йөрәктән гашыйк булсаң,
Танырмын әллә каян.

Габделбарый, кара әле —
Яшиселәр бар әле,
Йөрәгемне әсир итеп
Бер елмаеп ал әле.

Казансуның дулкыннары
Бер уйный да, бер тына.
Бу дөньяда кем кермәгән
Мәхәббәтнең утына?

Габделбарый, кара әле —
Яшиселәр бар әле,
Йөрәгемне әсир итеп
Бер елмаеп ал әле.

Источник: http://erlar.ru | Опубликовано: 05.03.10 | Просмотров: 1495 | [ + ]   [ - ]   |


© 2019 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!