Счетчики

Кондырак болыннары

Кәрим Сафин көе
Татар халык сүзләре

Кондыракта чәчәк җыйдым
Печәнлек арасыннан;
Йөрәкләргә рәхәт була
Хуш исле һавасыннан.

Бигерәк күңелле
Кондырак болыннары;
Җәйнең матур кичләрендә
Яңгырый тальян моңнары.

Җәй көнендә шул Кондырак
Чәчкәләргә күмелә;
Туган якның болыннары
Мәңге якын күңелгә.

Бигерәк күңелле
Кондырак болыннары;
Җәйнең матур кичләрендә
Яңгырый тальян моңнары.

Алсуланып аткан чакта
Җәйнең матур таңнары;
Таң нурларына төренә
Кондырак болыннары.

Бигерәк күңелле
Кондырак болыннары;
Җәйнең матур кичләрендә
Яңгырый тальян моңнары.

Источник: http://erlar.ru | Опубликовано: 27.02.10 | Просмотров: 1877 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!