Татар халык җыры
Гөлбакчага керәмсең,
Гөлбакчага керәмсең лә,
Гөл чәчәген өзәмсең?
Өзелгән гөл чәчәге күк
Аерылуны сизәмсең?

Сибелә чәчәк, җилләр лә искәндә
Өзелә үзәк, исләремә төшкәндә.

Гөлбакчага кердем мин,
Гөлбакчага кердем мин лә,
Гөл чәчәген өздем мин;
Өзелгән гөл чәчәге күк
Аерылуны сиздем мин.

Сибелә чәчәк, җилләр лә искәндә
Өзелә үзәк, исләремә төшкәндә.