Счетчики

Син баянчы, мин җырчы

Татар халык җыры
«Сөйгән ярың кем?» — дисәгез,
Гади генә бер кеше.
Гармун уйнау, баян уйнау
Аның бар белгән эше.

Син баянчы, мин җырчы ла,
Мин җырчы, син баянчы.
Баяныңны матур итеп
Гел уйнап кына торчы!

Башка кызларга уйнасаң,
Көнләшүдән үләрмен,
Шул баяның челпәрәмә
Ватылсын, дип теләрмен.

Син баянчы, мин җырчы ла,
Мин җырчы, син баянчы.
Баяныңны матур итеп
Гел уйнап кына торчы!

Башка кызлар җырлаганда
Баяныңда уйнама,
Миннән башка бер генә дә
Кыз турында уйлама!

Син баянчы, мин җырчы ла,
Мин җырчы, син баянчы.
Баяныңны матур итеп
Гел уйнап кына торчы!

Источник: http://erlar.ru | Опубликовано: 02.03.10 | Просмотров: 1735 | [ + ]   [ - ]   |


© 2019 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!