Счетчики

Талы, талы

Татар халык җыры
Тәрәзә төбем исле гөл,
Иснә, дустым, исле ул;
Уртасында бер чәчәк бар —
Өзмим, синең төсле ул.

Талы, талы,
Талы бөгелеп тора;
Тагын бер күрәсе килеп,
Үзәк өзелеп тора.

Тәрәзә төбем исле гөл,
Рәхәтләнәм исенә.
Сәгать саен, минут саен
Син төшәсең исемә.

Талы, талы,
Талы бөгелеп тора;
Тагын бер күрәсе килеп,
Үзәк өзелеп тора.

Тәрәзә төбем исле гөл,
Мин ярата торган гөл.
Сине сагынып, җырлар җырлыйм —
Сагынуымны шуннан бел.

Талы, талы,
Талы бөгелеп тора; —
Тагын бер күрәсе килеп,
Үзәк өзелеп тора.

Источник: http://erlar.ru | Опубликовано: 03.03.10 | Просмотров: 2730 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!