Счетчики

Уф, йөрәгем!

Татар халык җыры
Җиделе лампа, бишле куык
Ватылды, җиргә төште, шул;
Уф, йөрәгем, су бирегез,
Иркәм исемә төште.

Яңа өемнең түрләренә
Элеп куйдым тастымал, шул;
Уф, йөрәгем, су сибегез,
Ут кабуы ихтимал.

Иртә торып тышка чыксам,
Фонтаннардан су алам, шул;
Уф, йөрәгем, сүндерегез,
Синең утларда янам.

Урман буйларында йөргән
Чакларны сагынырсың, шул;
Уф, йөрәгем, килмә якын,
Утына кабынырсың.

Источник: http://erlar.ru | Опубликовано: 04.03.10 | Просмотров: 1475 | [ + ]   [ - ]   |


© 2019 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!