Счетчики

Зәңгәр чиләк

Татар халык җыры
Сандугачлар җыелганнар,
Без алай җыелмыйбыз.
Дуска түгел, дошманга да
Без кара коелмыйбыз.

Зәңгәр чиләк матур була
Су белән тулса гына
Ярны яр дип сөеп була,
Сүзендә торса гына

Сандугачым, син кечкенә,
Зур буласың кагынгач.
Төн караңгы, көн ямансу
Була икән сагынгач.

Кызыл яулык бәйлә, дустым,
Кызыл яулык килешә.
Кызыл яулык бәйләгән кыз
Теләгенә ирешә.

Сандугачым, каралгансың,
Суларга кереп коен.
Чәчәгеннән аерылган
Гөл кебек булдым быел.

Зәңгәр чиләк матур була
Су белән тулса гына
Ярны яр дип сөеп була,
Сүзендә торса гына.

Источник: http://erlar.ru | Опубликовано: 25.02.10 | Просмотров: 1995 | [ + ]   [ - ]   |


© 2019 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!