Счетчики

Зәңгәр күз

Әнвәр Бакиров көе
Татар халык сүзләре

Зәңгәр күзең, күз керфегең
Тибрәндереп карама.
Күз карашың ук шикелле
Йөрәгемә кадама.

Әй, бөдрә чәч, зәңгәр күз,
Әйтмәм, бәгырем, авыр сүз.

Зәңгәр күзләр, бөдрә чәчләр —
Алар безгә тиң түгел.
Тиң түгеллеген дә беләм —
Өзелеп сөя яшь күңел.

Әй, бөдрә чәч, зәңгәр күз,
Әйтмәм, бәгырем, авыр сүз.

Зәңгәр күзең охшатамын
Зәңгәр таң йолдызына.
Бөдрә чәчең охшатамын
Диңгезнең дулкынына.

Әй, бөдрә чәч, зәңгәр күз,
Әйтмәм, бәгырем, авыр сүз.

Источник: http://erlar.ru | Опубликовано: 25.02.10 | Просмотров: 2080 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!