Счетчики

Безнең бәйрәм

Заһид Хәбибуллин көе, Нури Арсланов сүзләре

Ерак калды давыл,
Күкрәп үтте яулар...
Шаулар безнең җиңү,
Мәңгелеккә шаулар!

Бөтен тирә-якта
Бүген әйлән-бәйлән:
Кара көннәр артта,
Якты безнең бәйрәм,
Якты безнең бәйрәм!

Бәйрәм итә бүген
Дуслык теләгәннәр.
Сугыш күрмәсеннәр,
Сугыш күрмәгәннәр.

Әйлән әйдә, дөнья,
Тынычлыкка әйлән!
Дөнья халкы, тыңла:
Бүген бездә бәйрәм,
Бүген бергә бәйрәм1

Җиңү хөрмәтенә
Күтәр бәйрәм котлап!
Безнең бокаллардан
Дөнья торсын чыңлап!

Ләйсән булып төште
Безгә бүген бар ямь, —
Язның үзе төсле
Матур безнең бәйрәм,
Матур безнең бәйрәм!

Страниц: 1
Источник: http://erlar.ru | Опубликовано: 15.04.10 | Просмотров: 1025 | [ + ]   [ - ]   |


© 2020 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!