Фәттах Латыйпов көе, Әхмәт Ерикәй сүзләре

Син ант иттең, вәгъдә бирдек:
«Гомерлеккә яр булырмын, - дип, -
Арган-талган чакларыңда
Йөрәгенә ял булырмын», - дия.

Таң йолдызым, нишләдең син,
Саф иде бит синең күзләрең?..
Истән чыкмый: «Сине иркәм,
Оныталмам!» - дигән сүзләрең.

Ник соң, бәгърем, биргән вәгъдәң
Очып китте искән җил сыман?..
Тик мин калдым, ялгыз калдым
Яфракларын койган гөл сыман...