Счетчики

Агыйдел агышлары

Илгиз Закиров көе
Резеда Вәлиева сүзләре

Агыйдел агышлары,
Зифадыр камышлары.
Агыйделнең, бер сылуы
Йөрәгем сагышлады.

Агыйдел яры текә,
Сулары ерак китә,
Язны көткән назлы гөлдәй,
Күңелем аны көтә.

Агыйдел суы саллы,
Дулкыннары ак яллы.
Агыйделкәй буйларында
Аккоштай ярым калды.

Агыйдел яры текә,
Сулары ерак китә,
Язны көткән назлы гөлдәй,
Күңелем аны көтә.

Агыйдел салмак ага,
Аккош канатын кага.
Аккош кебек назлы ярым
Күңел салмас башкага.

Агыйдел яры текә,
Сулары ерак китә,
Язны көткән назлы гөлдәй,
Күңелем аны көтә.

Таңнар аткан чагында
Агыйдел якларында,
Яннарына барыр идем
Дулкын канатларында.

Агыйдел яры текә,
Сулары ерак китә,
Язны көткән назлы гөлдәй,
Күңелем аны көтә.

Страниц: 1
Источник: http://erlar.ru | Опубликовано: 15.02.10 | Просмотров: 2524 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!