Счетчики

Ак яулыклы әнием

Луиза Батыр-Болгари көе
Наил Касыймов сүзләре

Чәчләреңә япкан ак яулыгың
Бик килешә, әнкәм, йөзеңә.
Ак яулыгың төсле ак күңелең,
Саф күңелең чагыла күзеңдә.

Ак төсләрне әллә күп сөйгәнгә —
Чәчләрең дә бүген ак синең...
Күңел күгемдә син — якты кояш,
Ак яулыклы әнием минем.

Ак көннәрең, бәлки, аз булгандыр,
Югалттың шул инде Саулыгың.
Кара кайгыларны күрсәң дә син,
Каралтмадың, әнкәм, яулыгың.

Ак төсләрне әллә күп сөйгәнгә —
Чәчләрең дә бүген ак синең...
Күңел күгемдә син — якты кояш,
Ак яулыклы әнием минем.

Страниц: 1
Источник: http://erlar.ru | Опубликовано: 15.02.10 | Просмотров: 1899 | [ + ]   [ - ]   |


Социальные закладки
© 2017 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!