Счетчики

Ак җилкән

Рөстәм Яхин көе
Мостафа Ногман сүзләре

Ак җилкәннәр белән кичеп үтәм
Хыялымның күксел диңгезен.
Син яшәгән ярлар ерак микән, —
Шуны гына уйлыйм мин үзем.

Таң җилләре чәчләремдә уйный,
Акчарлаклар озата көймәмне.
Беләсеңме икән, назлы тынам,
Мин ашкынып сиңа килгәнне?

Хыялымда язлар чәчәк ата,
Тибрәнгәли кебек бөдрә тал.
Ак җилкәндәй ак күңелем белән
Яннарыңа киләм, каршы ал.

Страниц: 1
Источник: http://erlar.ru | Опубликовано: 15.02.10 | Просмотров: 1710 | [ + ]   [ - ]   |


Социальные закладки
© 2017 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!