Мансур Мозаффаров көе
Сибгат Хәким сүзләре

Туып-үскән шушы җирнең ямен
Алыштырмый икән һичнәрсәң.

Башка берни дә кирәкми,
Үзем чапкан печәннәрне
Бер туйганчы иснәсәм.

Миңа гына шулай тоела микән
Бөтен рәхәтләре соң аның?

Башка берни дә кирәкми,
Үзем тапкан чишмәләрнең
Ятып эчсәм суларын.

Үрләре дә зәңгәр дулкын-дулкын,
Ул үрләрнең чиге кайда соң?

Башка берни дә кирәкми,
Дусларның мин гомерем буе
Тойсам җылы карашын.