Счетчики

Бәхетле булыгыз!

Резеда Ахиярова көе
Роберт Миңнуллин сүзләре

Әгәр сез ир-егет икән.
Эш тотсын кулыгыз.
Кулыгыздан килгән кадәр
Игелек кылыгыз.

Һәммәгез дә минем
Теләктән уңыгыз:
Бәхетле булыгыз!
Бәхетле булыгыз!

Арагызда, зинһар өчен,
Булмасын толыгыз.
Матур булсын, батыр булсын
Кызыгыз, улыгыз.

Һәммәгез дә минем
Теләктән уңыгыз:
Бәхетле булыгыз!
Бәхетле булыгыз!

Онытмасын әнкәйләрне
Кечегез, олыгыз.
Озын гомер кичерегез,
Чәчегез, урыгыз.

Һәммәгез дә минем
Теләктән уңыгыз:
Бәхетле булыгыз!
Бәхетле булыгыз!

Торган саен хикмәтлерәк
Көнебез, елыбыз.
Шатлыкларга, мәхәббәткә,
Бәхеткә — юлыбыз.

Һәммәгез дә минем
Теләктән уңыгыз:
Бәхетле булыгыз!
Бәхетле булыгыз!

Страниц: 1
Источник: http://erlar.ru | Опубликовано: 25.02.10 | Просмотров: 2917 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!