Вадим Усманов көе
Илсур Хөснетдинов сүзләре

Кичәләрдә гармун уйный,
Яшь егет ниләр уйлый?
Чибәр кызлар аңа карап,
Елмаеп, биеп туймый.

Әй, чабата, тула оек,
Әйт, җанашым, нигә боек?
Әйдә әле биергә, нигә ялгыз йөрергә —
Әйдә, җаный, әйдә, җаный, биергә!

Бишле биюгә чакыра,
Безне гармун телләре.
Үзәкләрне өзеп куя
Яшь кызларның билләре.

Әй, чабата, тула оек,
Әйт, җанашым, нигә боек?
Әйдә әле биергә, нигә ялгыз йөрергә —
Әйдә, җаный, әйдә, җаный, биергә!

Кызлар биленә охшатып,
Сыгыла идәннәре.
Күз кысышып куя шунда
Бер-берсен сөйгәннәре.

Әй, чабата, тула оек,
Әйт, җанашым, нигә боек?
Әйдә әле биергә, нигә ялгыз йөрергә —
Әйдә, җаный, әйдә, җаный, биергә!