Счетчики

Чакырдың болыннарга

Илһам Хисмәтуллин көе
Кәүсәрия Шафикова сүзләре

Чишмәнең челтер-челтер
Агышын тыңла, дидең.
Тыңларга кошлар моңын
Урманга алып килдең.

Чакырдың болыннарга,
Күр, дидең, әнә ничек,
Гөлләрне-чәчәкләрне
Иркәли, җилләр исеп.

Игеннәр шаулап торган
Кырларны күр син, дидең.
Шушыннан бит башлана
Муллыгы туган илнең.

Чакырдың болыннарга,
Күр, дидең, әнә ничек,
Гөлләрне-чәчәкләрне
Иркәли, җилләр исеп.

Өйрәтте мине тормыш
Давылга бирешмәскә.
Син җырлап яшә, диде,
Хакым юк килешмәскә.

Бар булган серләремне
Җыр итеп җырлар өчен —
Көч бирдең йөрәгемә
Арттырдың сөю хисен.

Җилкеттең йөрәгемне —
Бу җырым синең хакта.
Әй тормыш гүзәллеге,
Җырларда җырларлык ла!

Страниц: 1
Источник: http://erlar.ru | Опубликовано: 04.03.10 | Просмотров: 1039 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!