Счетчики

Әйдәгез, биибез!

Тали Ильясов көе
Роберт Миңнуллин сүзләре

Җырлыйбыз да, биибез дә,
Көлешәбез дә.
Җырласак та, биесәк тә
Килешә безгә.

Бии кызлар һәм егетләр,
Иярми күз дә!
Кушылыйк әле аларга,
Әйдәгез, без дә!

Куанычлар һәм бәхетләр
Сыймый күңелгә.
Биемичә утырырга
Без карт түгел лә!

Бии кызлар һәм егетләр,
Иярми күз дә!
Кушылыйк әле аларга,
Әйдәгез, без дә!

Буыннар әле катмаган,
Без биеп калыйк.
Хәтта бии белмәсәк тә,
Бер биеп карыйк!

Бии кызлар һәм егетләр,
Иярми күз дә!
Кушылыйк әле аларга,
Әйдәгез, без дә!

Биемичә ничек инде
Түзсен җаныбыз?!
И-и-их, биибез! Безнең әле
Шундый чагыбыз!

Бии кызлар һәм егетләр,
Иярми күз дә!
Кушылыйк әле аларга,
Әйдәгез, без дә!

Страниц: 1
Источник: http://erlar.ru | Опубликовано: 05.03.10 | Просмотров: 1122 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!