Счетчики

Әле дә дуслар бар әле

Мөфтәдин Гыйлаҗев көе
Абдулхак Игебаев сүзләре

Минем йөргән юлларымда
Бурап яуган кар әле.
Кар өстендә учак ягып
Көтәр дуслар бар әле.
Колач җәеп каршыларга
Җан дусларым бар әле.
Әлдә дуслар, ә л дә дуслар,
Әлдә дуслар бар әле.

Актарылган болытлардай
Күкрәк тулы зар әле.
Моң-зарларны таратырдай
Якын дуслар бар әле.
Хәсрәтемне бүлешергә
Якын дуслар бар әле.
Әлдә дуслар, әлдә, дуслар,
Әлдә дуслар бар әле.

Гомер үтә, йөрәк көтә,
Шатлык дөньям тар әле.
Тар дөньямны киңәйтергә
Чын дусларым бар әле.
Өмет кошын сайратырга
Чын дусларым бар әле.
Әлдә дуслар, әлдә дуслар,
Әлдә дуслар бар әле.
Сез дусларым бар әле.

Страниц: 1
Источник: http://erlar.ru | Опубликовано: 05.03.10 | Просмотров: 1455 | [ + ]   [ - ]   |


© 2019 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!