Ризван Хәким көе
Якуп Колмый сүзләре

Кояш чыкса, чәчкә күзен ача
Син дә миңа назлы гөл генә.
Күңел күркем бер ачылсын, иркәм,
Елмай әле, елмай бер генә.

Тулган айдай кара төнне яктырт,
Яшьлек мәхәббәтен сүндермә.
Куе керфегеңнән нурлар коеп,
Елмай әле, иркәм, бер генә.

Йөрәк кылларымны тирбәтерлек
Җырчы сандугачым син генә.
Күзләремә тутырып кара да син,
Елмай әле, иркәм, бер генә.