Счетчики

Фәрештәң булыр идем

Резеда Ахиярова көе
Гөлшат Зәйнашева сүзләре

Сөйгән ярың булалмадым,
Үтеп китте бу гомер.
Дус-ишләрем күп булса да,
Кем кадерен кем белер?..

Кодрәтемнән килсә әгәр,
Фәрештәң булыр идем.
Бәла-казалардан сине
Гел саклап торыр идем.

Сөйгән ярың булалмадым,
Син сайладың башканы.
Язмыш мине ялгызымны
Читкә илтеп ташлады.

Кодрәтемнән килсә әгәр,
Фәрештәң булыр идем.
Бәла-казалардан сине
Гел саклап торыр идем.

Сөйгән ярың булалмадым,
Кичер кайгым-зарымны.
Рәхәт яшә, бәхетле ит
Сайлап алган ярыңны.

Кодрәтемнән килсә әгәр,
Фәрештәң булыр идем.
Бәла-казалардан сине
Гел саклап торыр идем.

Страниц: 1
Источник: http://erlar.ru | Опубликовано: 04.03.10 | Просмотров: 1076 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!