Счетчики

Гашыйклар җыры

Фирзәр Мортазин көе
Ләйлә Дәүләтова сүзләре

Сиңа гашыйк булырмын дип,
Карамадым уйлап та.
Сөярмен дип уйламадым,
Чынлап түгел, уйнап та.

Суларга да чумдым инде,
Мәхәббәтне җиңәлми.
Син бит күктә, ә мин җирдә,
Буем сиңа җитәлми.

Йөрәк шуны аңлыймы соң?
Ашкына һаман күккә.
Күңел бит ул өметләнә
Азга түгел, бик күпкә.

Суларга да чумдым инде,
Мәхәббәтне җиңәлми.
Син бит күктә, ә мин җирдә,
Буем сиңа җитәлми.

Күпме йолдыз. Кайберләре
Акрын гына сүрелә.
Ник бу йөрәк буй җитмәслек
Йолдызларга үрелә?

Суларга да чумдым инде,
Мәхәббәтне җиңәлми.
Син бит күктә, ә мин җирдә,
Буем сиңа җитәлми.

Страниц: 1
Источник: http://erlar.ru | Опубликовано: 25.02.10 | Просмотров: 1755 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!