Счетчики

Гәрәбә

Рәшит Гобәйдуллин көе
Нури Арсланов сүзләре

Сары-сары гәрәбә,
Ярдан түбән тәгәрә,
Су төбендә калтыра,
Йолдыз булып ялтыра.
Сары-сары гәрәбә,
Югалмасмы әрәмгә?
Егет биргән муенса,
Нәрсә икән уенда?

Муенса, муенса,
Ямьле инеш буенда.
Гәрәбәсе муенда ла,
Нәрсә икән уенда?

Сары-сары гәрәбә,
Икесе әрәмәдә,
Сөйләшкән-серләшкәннәр,
Муенсаны чәчкәннәр.
Сары-сары гәрәбә,
Чәчелгәч тә тәгәрә.
Тәгәрәп инешкә төш,
Син — алтын, ә су — көмеш.

Муенса, муенса,
Ямьле инеш буенда.
Гәрәбәсе муенда ла,
Нәрсә икән уенда?

Сары-сары гәрәбә,
Гәрәбә, тәгәрәмә.
Үпкәләр бит, күр әле,
Чәчелгәнгә бүләге.
Сары-сары гәрәбә,
Тәгәрәсәң тәгәрә;
Үпкә түгел, наз гына,
Булса булыр аз гына...

Муенса, муенса
Ямьле инеш буенда
Гәрәбәсе муенда ла,
Нәрсә икән уенда?

Страниц: 1
Источник: http://erlar.ru | Опубликовано: 25.02.10 | Просмотров: 1280 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!