Счетчики

Гомер еллары

Сафьян Ибраһимов көе
Роберт Миңнуллин сүзләре

Язмыш шулай язган безгә —
Җирдә гомер итәбез.
Дөнья буйлап, гомер буйлап
Сәфәр чыгып китәбез.

Артта — гомер еллары ла,
Алда — гомер юллары.

Әй гомернең ул юллары —
Бигрәкләр дә бормалы.

Көннән-көнгә, айдан-айга,
Елдан-елга күчәбез.
Әкияттәге шикелле
Утлар-сулар кичәбез.

Артта — гомер еллары ла,
Алда — гомер юллары.
Әй гомернең ул юллары —
Бигрәкләр дә бормалы.

Атлыйбыз да йөгерәбез,
Чабабыз — тик тормыйбыз.
Арттан дөнья куа килә,
Әлегә тоттырмыйбыз.

Артта — гомер еллары ла,
Алда — гомер юллары.
Әй гомернең ул юллары —
Бигрәкләр дә бормалы.

Страниц: 1
Источник: http://erlar.ru | Опубликовано: 25.02.10 | Просмотров: 1895 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!