Венер Мөхәммәдиев көе
Алмаз Галин сүзләре

Төшләремдә күрәм әтиемне,
Җырлый-җырлый атын җиккәнен,
Җылы караш ташлап әниемә,
Зур капкадан чыгып киткәнен.

Кайта идең, әткәй, кичкә калып,
Сөйли идең ниләр күргәнең,
Бигрәк тәмле иде кипкән икмәк —
"Куян күчтәнәче" дигәнең.

Шул чакларны искә алыр өчен
Кайтам, әткәй, синең яныңа —
Бала чактагыдай сине көтәм, —
Карый-карый басу ягына.