Счетчики

Хәтеремдә, әткәй

Венер Мөхәммәдиев көе
Алмаз Галин сүзләре

Төшләремдә күрәм әтиемне,
Җырлый-җырлый атын җиккәнен,
Җылы караш ташлап әниемә,
Зур капкадан чыгып киткәнен.

Кайта идең, әткәй, кичкә калып,
Сөйли идең ниләр күргәнең,
Бигрәк тәмле иде кипкән икмәк —
"Куян күчтәнәче" дигәнең.

Шул чакларны искә алыр өчен
Кайтам, әткәй, синең яныңа —
Бала чактагыдай сине көтәм, —
Карый-карый басу ягына.

Страниц: 1
Источник: http://erlar.ru | Опубликовано: 04.03.10 | Просмотров: 1302 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!