Счетчики

Их, авылым таңнары

Оскар Усманов көе
Резеда Вәлиева сүзләре

Кайттым туган якларыма
Җырчы кошлар кайтканда,
Кошлар моңына күмелеп,
Таңнар сызылып атканда.

Их, авылым таңнары,
Сызылып атулары.
Сандугачның чут-чут итеп,
Сайрап уятулары.

Әрәмәлек эчләреннән
Челтер чишмә үтәдер,
Челтер чишмә буйларында
Иркәм мине көтәдер.

Их, авылым таңнары,
Сызылып атулары.
Сандугачның чут-чут итеп,
Сайрап уятулары.

Аны да шул таң кошлары
Сайрап уятты микән?
Сайрар кошлардай талпынып
Каршыма чыккан иркәм.

Их, авылым таңнары,
Сызылып атулары.
Сандугачның чут-чут итеп,
Сайрап уятулары.

Страниц: 1
Источник: http://erlar.ru | Опубликовано: 26.02.10 | Просмотров: 1548 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!