Счетчики

Ике эз

Роза Гайнуллина көе һәм сүзләре
Ак кар өстендә
Ике эз калган.
Ике сукмакны
Кемнәрдер салган.

Ике эз бара
Һаман янәшә.
Очрашыр чакта
Кинәт читләшә.

Бер-берсен эзләп,
Озак барганнар.
Юл киселешен
Күрми калганнар.

Тәкъдир аларны
Кавыштырмаган.
Утка салмаган,
Саташтырмаган.

Ике эз калган
Ак кар өстендә.
Ике ялгыз моң —
Сагыш эчендә.

Эзләрне күмеп,
Ап-ак кар яуган.
Ике ялгыз моң —
Очрашмый калган.

Страниц: 1
Источник: http://erlar.ru | Опубликовано: 26.02.10 | Просмотров: 941 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!