Счетчики

Исемеңне язган идем

Вил Усманов көе
Харрас Әюп сүзләре

Исемеңне язган идем
Кышын яуган карларга,
Алар түзми эреп акты
Инде әллә кайларга.

Калса калыр миннән бары
Күмер генә, көл генә —
Исемеңне язып куйдым
Йөрәгемнең түренә...

Исемеңне үргән идем
Кырда үскән гөлләрдән —
Гөлләр көеп сибелделәр,
Таралдылар җилләргә.

Калса калыр миннән бары
Күмер генә, көл генә —
Исемеңне язып куйдым
Йөрәгемнең түренә...

Исемеңне нурлар белән
Күлләргә язган идем,
Күлләр кибеп камышларны
Кайгыга салган инде.

Калса калыр миннән бары
Күмер генә, көл генә —
Исемеңне язып куйдым
Йөрәгемнең түренә...

Страниц: 1
Источник: http://erlar.ru | Опубликовано: 26.02.10 | Просмотров: 1102 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!