Счетчики

Ялгыз әнкәй

Зөфәр Хәйретдин көе
Сания Әхмәтҗанова сүзләре

Рәнҗетмикме әнкәйләрне,
Хат язганчы кайтып килик.
Күчтәнәчләр юллаганчы
Бер күрешеп, хәлен белик.

Көннәр үткән, төннәр үткән,
Ни арада картлык җиткән.
Җилдәй үткән гомеркәйне
Газиз әнкәй ялгыз кичкән.

Сагынулардан сыза-сыза,
Күңеле һаман безне көтә.
Тик, капканы каерып ачып,
Җилләр генә узып китә.

Көннәр үткән, төннәр үткән,
Ни арада картлык җиткән.
Җилдәй үткән гомеркәйне
Газиз әнкәй ялгыз кичкән.

Кайтып киләм башым иеп,
Бәхиллегең алыйм диеп.
Йә, ходаем, каршы алсын
Якты йөзең, җылы өең.

Көннәр үткән, төннәр үткән,
Ни арада картлык җиткән.
Җилдәй үткән гомеркәйне
Газиз әнкәй ялгыз кичкән.

Страниц: 1
Источник: http://erlar.ru | Опубликовано: 05.03.10 | Просмотров: 1495 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!