Счетчики

Яшь егетләр, яшь кызлар

Мансур Мозаффаров көе
Әхмәт Ерикәй сүзләре

Әкрен генә кояш бата,
Күктә калка йолдызлар.
Җырлар җырлап, эштән кайта
Яшь егетләр, яшь кызлар.

Э-эх, яшь кызлар,
Э-эх, яшь егетләр,
Матурлар, алтын кебекләр,
Эштә ялкын кебекләр.

Зәңгәр болыннар өстендә
Алсу нурлар уйныйлар.
Җырлар җырлап, эшкә бара
Яшь егетләр, яшь кызлар.

Э-эх, яшь кызлар,
Э-эх, яшь егетләр,
Матурлар, алтын кебекләр,
Эштә ялкын кебекләр.

Безнең шатлыкларга карап,
Шатланалар киң кырлар.
Киң кырларны матурлыйлар
Яшь егетләр, яшь кызлар.

Э-эх, яшь кызлар,
Э-эх, яшь егетләр,
Матурлар, алтын кебекләр,
Эштә ялкын кебекләр.

Ил чигенә дошман килсә,
Каушамас безнең куллар.
Мылтык алып, алдан чыгар
Яшь егетләр, яшь кызлар.

Э-эх, яшь кызлар,
Э-эх, яшь егетләр,
Матурлар, алтын кебекләр,
Эштә ялкын кебекләр.

Страниц: 1
Источник: http://erlar.ru | Опубликовано: 05.03.10 | Просмотров: 3149 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!