Фасил Әхмәтов көе
Илдар Юзеев сүзләре

Яшьлегем таңында
Балкыган кояшым,
Баеган күңелгә
Һаман нур коясың.

Яшьлегем кояшы,
Күңелдә нигә син?
«Онытма мине!» — дип,
Елмаеп киләсең.

Ягымлы, сагышлы,
Саф, иркә нурларың
Һаман да яктырта
Күңелем урманын.

Яшьлегем кояшы,
Күңелдә нигә син?
«Онытма мине!» — дип,
Елмаеп киләсең.

Кайларда син хәзер? —
Иштелми тавышың.
Мәңгелек шатлыгым,
Мәңгелек сагышым...

Яшьлегем кояшы,
Күңелдә нигә син?
«Онытма мине!» — дип,
Елмаеп киләсең.