Счетчики

Ятим бала җыры

Зөфәр Хәйретдин көе
Мәдинә Маликова сүзләре

Күгәрченем, син канатым,
Керче минем хәлемә.
Очып барып сәлам әйт син
Әткәем-әнкәемә.

Әйт аларга сагынуымны,
Сагышымны — барсын да,
Ятим үсә, дип, балагыз
Җиде ят арасында.

Чыкмый алар исләремнән
Көндез дә, кичләрен дә.
Күзем йомсам, тик аларны
Күрәм мин төшләремдә.

Әйт аларга сагынуымны,
Сагышымны — барсын да,
Ятим үсә, дип, балагыз
Җиде ят арасында.

Күгәрченем, әйт, килсеннәр,
Ташлап барлык эшләрен.
Мин аларның юлларына
Күз яшьләре түшәдем.

Әйт аларга сагынуымны,
Сагышымны — барсын да,
Ятим үсә, дип, балагыз
Җиде ят арасында.

Страниц: 1
Источник: http://erlar.ru | Опубликовано: 05.03.10 | Просмотров: 2124 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!