Счетчики

Яз җыры

Рим Хәсәнов көе
Мансур Шиһапов сүзләре

Җылы нурлар җир өстеннән
Бөркелә-бөркелә,
Йөрәкләрне җилкендереп,
Яз килә, яз килә.

Язны котлап җырлыйк, дуслар,
Безгә кушылып сайрый кошлар.
Зәңгәр күктә сөенешеп
Бии якты йолдызлар.

Кояшка таба үрелә
Саф гөлләр, саф гөлләр.
Хезмәт җырына күмелә
Күңелләр, күңелләр.

Язны котлап җырлыйк, дуслар,
Безгә кушылып сайрый кошлар.
Зәңгәр күктә сөенешеп
Бии якты йолдызлар.

Бәхет балкый һәр кешенең
Йөзендә, йөзендә.
Яз сагынып килә безне
Үзе дә, үзе дә.

Язны котлап җырлыйк, дуслар,
Безгә кушылып сайрый кошлар.
Зәңгәр күктә сөенешеп
Бии якты йолдызлар.

Страниц: 1
Источник: http://erlar.ru | Опубликовано: 05.03.10 | Просмотров: 3102 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!