Рәфикъ Сәлманов көе
Шәехзадә Бабич сүзләре

Яфрак яра чуклы каен
Татлы исен сибеп.
Бөреләрен ачты гөлләр
Язгы тынны сизеп.

Яз, яз килә
Илгә, дуслар.
Мактап язны,
Котлап безне
Сайрарлар кошлар.

Чәчәк атты туган ягым,
Яшәрделәр кырлар.
Якты кояш чәчә нурын,
Шаулый дәртле җырлар.

Яз, яз килә
Илгә, дуслар.
Мактап язны,
Котлап безне
Сайрарлар кошлар.

Гөрләп илем каршы ала
Хезмәт белән көнне.
Алга, данлы яшьлек, алга,
Иҗат көтә безне!

Яз, яз килә
Илгә, дуслар.
Мактап язны,
Котлап безне
Сайрарлар кошлар.