Счетчики

Язгы ташу

Марс Макаров көе
Рәдиф Гатауллин сүзләре

Канат какты гомер,
Җилкендерә җанны
Язгы җырларында.
Сокландык без, карап,
Язның бозларына,
Язның суларына.

Язгы ташу,
Су тавышы —
Моң агышы:
Әллә кавышу,
Әллә аерылышу?!

Гөрләгәндә сулар,
Безнең ярсу җырлар
Нигә һаман тынмый?
Язлар саен сулар
Шаулаганда, шулар
Нигә онытылмый?

Язгы ташу,
Су тавышы —
Моң агышы:
Әллә кавышу,
Әллә аерылышу?!

Язлар шулай килер,
Еллар моңы эрер
Ташкын суларында.
Кабатланыр мәңге
Безнең күңел яме
Яшьлек җырларында.

Язгы ташу,
Су тавышы —
Моң агышы:
Әллә кавышу,
Әллә аерылышу?!

Страниц: 1
Источник: http://erlar.ru | Опубликовано: 05.03.10 | Просмотров: 1777 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!