Счетчики

Йөрәгемне аңла

Луиза Батыркаева көе
Наил Касыимов сүзләре

Матур сүзләр беләм яратканың,
Нинди генә сүзләр табыйм соң?
Сүзсез аңлап кара йөрәгемне —
Күңелем бит сөйли барысын.

Яратам, яратам — шул гына,
Син минем язмышым бул гына.
Яратам, яратам — шул гына,
Мәңгегә минеке бул гына!

Ташкын кебек хисләр дулкынында
Сүз күмелсә, күземә кара син.
Күзләремнән аңла йөрәгемне —
Күзләрем бит сөйли барысын.

Яратам, яратам — шул гына,
Син минем язмышым бул гына.
Яратам, яратам — шул гына,
Мәңгегә минеке бул гына!

Алтын таулар сиңа вәгъдә итмим,
Чәчәкләрнең бирмәм сарысын...
Сүзләр җитми хисем аңлатырга —
Йөрәгем бит сөйли барысын.

Яратам, яратам — шул гына,
Син минем язмышым бул гына.
Яратам, яратам — шул гына,
Мәңгегә минеке бул гына!

Страниц: 1
Источник: http://erlar.ru | Опубликовано: 26.02.10 | Просмотров: 1459 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!