Сара Садыйкова көе
Илгизәр Фазлуллин сүзләре

Кайвакытта кояш кыздырса да,
Яңгыр яуса, җир дә сусамый.
Минем йөрәк синең ялкыныңда
Януыннан бер дә бушамый.

Йолдызларга кемнәр гашыйк булмас,
Ямь өстиләр алар дөньяга.
Син — җирдәге йолдыз минем өчен,
Күңел сине уйлап куана.

Яшәү көче бирә бу куаныч,
Аңлыйм төсле аны мин генә.
Йолдызлар да һаман балкып тормый,
Балкыйсың тик һаман син генә.