Рөстәм Яхин көе
Мидхәт Миншин сүзләре

Барам урам уртасыннан —
Күзләрем капкаларда,
Һәр өйнең сугышка киткән
Кемедер кайтмаган ла.

Кемнең — улы, кемнең — ире,
Кемнең — яры, җанашы.
Исемнәре капкаларда —
Йөрәкләрдә ярасы.

Һәр өй юксына улларын,
Һәр нигез сызланадыр.
Батырларның рухы кайтып,
Кабыза йолдызларын.

Кайтмый калганнар сафыдай
Йолдызлар капкаларда.
Билгесез түгел батырлар,
Кайларда ятсалар да.