Счетчики

Кар кызы

Рәшит Абдуллин көе
Разил Вәлиев сүзләре

Ява карлар, ява талгын гына, —
Ак өметләр ява сыман.
Эзләп йөрим бүген бәхетемне
Ак бураннар арасыннан.

Әй, Кар кызы, әйтмә салкын сүзләр,
Буран булып чыкма юлларыма.
Алып бар син мине үзең белән
Гел язлардан торган елларыма.

Ява карлар, ява, ак ялкыннар
Күңелемне ала сыман.
Ак бәхетләр теләп, иңнәреңә
Туй күлмәге сала сыман.

Әй, Кар кызы, әйтмә салкын сүзләр,
Буран булып чыкма юлларыма.
Алып бар син мине үзең белән
Гел язлардан торган елларыма.

Ява карлар, ява кайнар карлар,
Ява йөрәк ярасына.
Мәхәббәтем бүген табармын күк
Кайнар карлар арасыннан.

Әй, Кар кызы, әйтмә салкын сүзләр,
Буран булып чыкма юлларыма.
Алып бар син мине үзең белән
Гел язлардан торган елларыма.

Страниц: 1
Источник: http://erlar.ru | Опубликовано: 27.02.10 | Просмотров: 2123 | [ + ]   [ - ]   |


© 2022 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!