Счетчики

Каз үләне

Рәис Нәгыймов көе
Нур Әхмәдиев сүзләре

Су буйлары каз үләне,
Кайда икән казлары?
Чит җирләрдә онытканмы
Туган якның язларын?

Каз үләне, каз үләне,
Яланаяк атлыйм әле.
Каз үләне — яшел келәм —
Балачакка кайтыйм әле.

Кайтыр көннәр җиткән инде,
Соңармагыз, казларым.
Язлар җитсә, сулар түгел,
Ташый минем назларым.

Каз үләне, каз үләне,
Яланаяк атлыйм әле.
Каз үләне — яшел келәм —
Балачакка кайтыйм әле.

Көткән казлар кайтып төште,
Таныш казым юк анда.
Учымдагы сулар кайный
Битләремне юганда.

Каз үләне, каз үләне,
Яланаяк атлыйм әле.
Каз үләне — яшел келәм —
Балачакка кайтыйм әле.

Страниц: 1
Источник: http://erlar.ru | Опубликовано: 26.02.10 | Просмотров: 1692 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!