Счетчики

Казан утлары

Резеда Ахиярова көе
Ренат Харис сүзләре

Очраштык Казан-су буйларында,
Талгын су талларны агыза.
Тын кичнең яменә тылсым өстәп,
Казаным утларын кабыза.

Казан утлары,
Казан утлары,
Сез шаһит —
Йөрәкләргә
Кагылды мәхәббәт уклары.

Без генәмени ул Казан-суга
Иң татлы яшьләрен тамызган?!
Һәрвакыт бәхеткә юл күрсәтеп,
Казаным утларын кабызган.

Казан утлары,
Казан утлары,
Сез шаһит —
Йөрәкләргә
Кагылды мәхәббәт уклары.

Без тагын Казан-су буйларында,
Талгын су елларны агыза.
Кемнәрдер киченә тылсым өстәп,
Казаным утларын кабыза.

Казан утлары,
Казан утлары,
Сез шаһит —
Йөрәкләргә
Кагылды мәхәббәт уклары.

Страниц: 1
Источник: http://erlar.ru | Опубликовано: 26.02.10 | Просмотров: 1295 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!