Счетчики

Мин гармун булыр идем

Фасил Әхмәтов көе
Фаил Шәфигуллин сүзләре

Көмеш йолдызлар яуганда,
Шаулаган чакта иген,
Тәрәзәңдә ут янганда, —
Мин гармун булыр идем.

Мин гармун булыр идем,
Назлы җыр көйләр идем;
Хисләремне моң телендә
Тик сиңа сөйләр идем.

Чыңлар идем өй артында,
Моңсыз узалмас идем,
Тыңлар идең син дә чыгып,
Чыкмый түзәлмас идең.

Мин гармун булыр идем,
Назлы җыр көйләр идем;
Хисләремне моң телендә
Тик сиңа сөйләр идем.

Йөрәгеңдә урын тапсаң
Минем кайнар хисләргә,
Тальян гармун булыр идем
Җәйге зәңгәр кичләрдә.

Мин гармун булыр идем,
Назлы җыр көйләр идем;
Хисләремне моң телендә
Тик сиңа сөйләр идем.

Страниц: 1
Источник: http://erlar.ru | Опубликовано: 01.03.10 | Просмотров: 1025 | [ + ]   [ - ]   |


© 2021 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!