Счетчики

Моңлы гармун

Шамил Тимербулатов көе
Мидхәт Миншин сүзләре

Өч игезәк — өч туган —
Килә чишмә юлыннан.
Ялга кайткан диңгезченең
Гармун төшми кулыннан.

Гармун теле көмештер —
Кемнәр кемгә өлештер.
Әйдә, гармун, йөрәкләрне
Йөрәк белән күрештер.

Диңгезләрне гизә ул,
Океанда да йөзә ул.
Гармун алса кулларына —
Үзәкләрне өзә ул.

Гармун теле көмештер —
Кемнәр кемгә өлештер.
Әйдә, гармун, йөрәкләрне
Йөрәк белән күрештер.

Өч игезәк — өч туган —
Килә чишмә юлыннан.
Кемнәр бизәк булыр икән
Бу чибәрләр туенда?

Гармун теле көмештер —
Кемнәр кемгә өлештер.
Әйдә, гармун, йөрәкләрне
Йөрәк белән күрештер.

Страниц: 1
Источник: http://erlar.ru | Опубликовано: 01.03.10 | Просмотров: 1817 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!