Счетчики

Нинди моң бар синең күзләреңдә?

Луиза Батыркаева көе
Марсель Галиев сүзләре

Төнге сулар ага онытылып,
Аргы якка чакыра утлар.
Җирдә яшәү кадерле син булганга,
Елларга тиң назлы минутлар.

Уятучым бит син, юатучым,
Аңлатырга җитмәс сүзләр генә.
Бик еракта янган сүнмәс учак кебек
Нинди моң бар синең сүзләреңдә?

Дулкыннардан күчә төн карасы.
Ай шәүләсе төшкән елгага.
Ай юлыннан сагынып кайтыр өчен
Күпер салыйк килер елларга!

Уятучым бит син, юатучым,
Аңлатырга җитмәс сүзләр генә.
Бик еракта янган сүнмәс учак кебек
Нинди моң бар синең сүзләреңдә?

Страниц: 1
Источник: http://erlar.ru | Опубликовано: 01.03.10 | Просмотров: 1476 | [ + ]   [ - ]   |


© 2024 Все права защищены www.tatarlarga.ru
Разработка www.hafizof.ru
При полном или частичном использовании материалов, активная ссылка на www.tatarlarga.ru обязательна!