Счетчики
|
Өф-өф итеп
Ренат Еникеев көе
Гамил Афзал сүзләре Малай туды безнең. Нинди шатлык! Икебезгә уртак бәхет таптык. Үстерәбез аны исебез китеп, Өф-өф итеп, еф-өф итеп. Егет үстерәбез туган илгә, Мондый асыл малай бездә генә. Тирбәтәбез йоклаганын көтеп, Өф-өф итеп, өф-өф итеп. Затлы кием, ефәк аңа гына, Тәмле-татлы нәрсә тамагына. Тәпи йөри башлый яңа гына Тып-тып итеп, тып-тып итеп. Малай үсә, буе, яше арта, Бәби чагы инде калды артта. Күн диванга ятып, «Казбек» тарта Пыф-пыф итеп, пыф-пыф итеп. Әни, давай, минем битне юдыр, Әни, давай, миңа шиблет кидер, Әни, давай, папироска йөгер Лап-лап итеп, лап-лап итеп. Соңгы мода костюм тапты уйлап, Газиз парәң булгач, бостон юллап, Йөгерәбез икәү урам буйлап, Анда лап-лап, монда лап-лап... Укырга җибәрдек, бармый анда, Безнең сүзне алмый искә-санга Коньяк эчә хәзер ресторанда Голт голт итеп, голт-голт итеп Шоколадлар белән прәннек ашый, Акча сорап, безгә допрос ясый. Бирми торсаң, хәзер кыйнап ташлый Дөп-дөп итеп, дөп-дөп итеп Страниц: 1
|